Community of people working in the field of electricity in Laos

ຊຸມຊົນຄົນໃນວົງການໄຟຟ້າ - ຊຸມຊົນຄົນມີຜົນງານ

ເປັນຫຍັງຈິ່ງເອີ້ນວ່າ " ຊຽງຂວາງ "

ຊຽງຂວາງ ເປັນເມືອງໜື່ງທີ່ເກົ່າແກ່ຕັ້ງຢູ່ບໍລິເວນພູພຽງພາກເໜືອ ສ.ປ.ປ ລາວ.ໃນສະໄໝບູຮານ,ມີຫລາຍຊົນເຜົ່າທີ່ຍົກຍ້າຍ ແລະ ພັດປ່ຽນກັນມາອາໄສຢູ່ຜືນແຜ່ນດິນຕອນນີ້ມາໄດ້ຫລາຍຍຸກຫລາຍສະໄໝແລ້ວ.ອີງໃສ່ການຄົ້ນຄວ້າສັນນິຖານຂອງບັນດານັກຄົ້ນຄວ້າປະຫວັດສາດບູຮານວ່າ: ເຜົ່າຊົນທີ່ມາອາໄສຢູ່ບໍລິເວນພູພຽງນີ້ກ່ອນໜູ່ແມ່ນກຸ່ມຄົນຢູ່ໃນຕະກຸນ ໂອສະໂຕເນຊຽນ,ເຜົ່າມະເລຈ່າມ ເຊື້ອຊາດຄົນຜິວເຫລືອງເຊີ່ງຕຳນານບູຮານລາວເອີ້ນວ່າ: ກຶມມຸ,ຂ້າ,ຂອມ.ຕໍ່ມາຈິ່ງມີກຸ່ມຄົນເວົ້າພາສາ "ໄຕ ຫລື ໄທລາວ" ຊື່ແຂວງນີ້ເມື່ອກ່ອນຕາມໜັງສືຂຸນບູລົມ,ເລື່ອງທ້າວຮຸ່ງ,ທ້າວເຈືອງ ເມືອງນີ້ມີຊື່ວ່າ: "ເມືອງປະກັນ ຫລື ພະນັນ" ຂື້ນກັບອານາຈັກດ້າຍຫວຽດ.
ແຕ່ຄຳທີ່ເອີ້ນວ່າ: "ຊຽງຂວາງ" ຕາມທ່ານ ພູມີ ວົງວິຈິດ ອາດີດຜູ້ນຳການປະຕິວັດລາວ ໄດ້ຂຽນໄວ້ໃນປື້ມພົງສາວະດານວ່າ: ສະໄໝຂຸນເຈືອງເຂົາ ເຈົ້າໄດ້ເອົາຊ້າງ 4 ໂຕ (ຊ້າງຜູ້ 2 ໂຕ,ຊ້າງແມ່ 2 ໂຕ) ເຂົ້າມາປະກອບເຮັດພິທີບວງສວງຖວາຍເທວະດາ ແລ້ວກໍ່ຊົງຊ້າງນັ້ນລົງມາຊອກບ່ອນຕັ້ງເມືອງໂດຍເວົ້າວ່າ: ຖ້າຊ້າງຜູ້ນອນລົງບ່ອນໃດ ໃຫ້ຖືວ່າບ່ອນນັ້ນແມ່ນຫົວເມືອງ,ຖ້າຊ້າງແມ່ ນອນບ່ອນໃດໃຫ້ຖືວ່າບ່ອນນັ້ນແມ່ນຫາງເມືອງ,ເມື່ອເດີນທາງມາໄດ້ 10 ມື້ ແລ້ວຊ້າງຜູ້ກໍ່ນອນລົງແຄມນ້ຳງິ້ວ,ສ່ວນຊ້າງແມ່ທັງສອງໂຕຍັງສືບຕໍ່ເດີນທາງຈົນຮອດແຄມນ້ຳກັ້ງກໍ່ນອນລົງບ່ອນນັ້ນ,ເຂົາເຈົ້າຈິ່ງຕົກລົງເອົາດິນແດນລະຫວ່າງນັ້ນເປັນນະຄອນຫລວງໂດຍໃສ່ຊື່ວ່າ: " ເມືອງຊ້າງຂວາງ " ຕໍ່ມາຈິ່ງເອີ້ນວ່າ: ເມືອງຊຽງຂວາງ.

ຂໍ້ມູນຈາກ: ປື້ມປະຫວັດສາດການຕໍ່ສູ້ຂອງກຳລັງປະກອບອາວຸດ ແລະ ປະຊາຊົນບັນດາເຜົ່າແຂວງຊຽງຂວາງ ຕ້ານລ່າເມືອງຂື້ນຝຣັ່ງ-ຈັກກະພັດອາເມລິກາຜູ້ຮຸກຮານ ແລະ ການປົກປັກຮັກສາ-ສ້າງສາປະເທດຊາດ ປີ 1945-2005

Views: 465

Comment

You need to be a member of Community of people working in the field of electricity in Laos to add comments!

Join Community of people working in the field of electricity in Laos

Comment by ບ່າວປາກເຊ on July 16, 2009 at 3:49pm
@ ທ່ານ ອາຈານພະ ຊຽງຂວາງ ຕີ ບໍ່ແມ່ນ ຊ້າງຂວາງ
@ ທ່ານ say ວ່າແຕ່ວ່າຂ້າພະເຈົ້າ ບໍ່ເຄີຍໄປຊຽງຂວາງ ຈັກເທື່ອ ຍາກໄປເດ ຖ້າມີໂອກາດຊິໄປຍາມເດີ
Comment by vanboon on July 15, 2009 at 11:20am
ຂ້ອຍມັກກ່ຽວກັບປະຫວັດສາດຫລາຍ ຄັ້ງໜ້າຫາມາໃຫ້ອ່ານອີກແນ່ເດີ້ ມັກອ່ານແຕ່ບໍ່ມີເວລາຄົ້ນຄວ້າອ່ານເອງຈັກເທື່ອ ອ່ານຂອງໜູ່ໄດ້ໃຈຄວາມດີ. ມັກ ມັກ ...
Comment by Xaysavanh on July 14, 2009 at 11:53am
ທຳນອງນັ້ນລະ
Comment by pnomsin on July 14, 2009 at 11:44am
ໂອ ທ່ານ AAC ກໍ່ເປັນຄົນຊ້າງຂວາງຕວ່ານິ

ເວັບໄຊຕ່າງໆ

ກະຊວງພະລັງງານ ແລະ ບໍ່ແຮ່

www.mem.gov.la

ລັດວິສາຫະກິດ ໄຟຟ້າລາວ

www.edl.com.la

ລັດວິສາຫະກິດ ກໍ່ສ້າງແລະຕິດຕັ້ງໄຟຟ້າ

www.eci.com.la

ລັດວິສາຫະກິດ ຖືຮຸ້ນລາວ

www.laoholding.com

ບໍລິສັດຜະລິດໄຟຟ້າລາວ ມະຫາຊົນ

http://www.edlgen.com.la

 

© 2014   Created by pnomsin.   Powered by

Report an Issue  |  Terms of Service